Send to friendកំណែដែលងាយស្រួលបោះពុម្ព
ភ្នំពេញ៖ ក្រុមហ៊ុនកុំព្យូទ័រដ៏ល្បីល្បាញ IBM ដែលគ្រោងនឹងបើកសាខាតំណាងនៅក្នុងប្រទេសកម្ពុជានាពេលខាងមុខ បានណែនាំនូវបច្ចេកវិជ្ជាចុងក្រោយបំផុតនិងដំណោះស្រាយធុរកិច្ច របស់ខ្លួនកាលពីថ្ងៃទី១៤ តុលា ២០០៩ នៅណាហ្គាវើល ក្នុងគោលបំណងជួយស្ថាប័ននានានៅកម្ពុជាឲ្យកសាងធុរកិច្ចដ៏ ឆ្លាតវៃមួយក្នុងគ្រាសេដ្ឋកិច្ចធ្លាក់ចុះនាពេលបច្ចុប្បន្ន។
ដំណោះស្រាយទាំងនេះ ផ្អែកទៅលើការកែប្រែច្នៃប្រឌិតថ្មីជាបន្តបន្ទាប់របស់ប្រព័ន្ធ IBMX, Bladecenter Starage និងប្រព័ន្ធឧស្សាហកម្មពិភពលោកដ៏ល្អប្រសើរបំផុតពីសូហ្វវែអាយប៊ីអឹម (IBM Software) ដើម្បីគាំទ្រធុរកិច្ចកាន់តែលូតលាស់របស់កម្ពុជា។
លោក ឡន វី (Leon Wee) នាយកប្រចាំប្រទេសនៃក្រុមសូហូវែ IBM នៅវៀតណាម បានមានប្រសាសន៍ថា សម្ភារៈរូបវ័ន្ត (Hardware) របស់ IBM បានត្រូវគេទទួលស្គាល់យ៉ាងល្អនៅក្នុងទីផ្សារដែលកំពុងរីក លូតលាស់របស់កម្ពុជា ជាពិសេសនៅក្នុងវិស័យធនាគារទូរគមនាគមន៍ និងរដ្ឋាភិបាល ហើយនៅពេលនេះសូហ្វវែ IBM បាននាំមកនូវការយល់ដឹងនិងសមត្ថភាពវិភាគធុរកិច្ចថ្មីសម្រាប់ វិស័យទាំងនេះនិងសហគ្រាសផ្សេងទៀត។
ពាក់ព័ន្ធនឹងដំណោះស្រាយផ្នែកវិស័យធនាគារ លោក ឡន វី ដែលទទួលសញ្ញាប័ត្រអនុបណ្ឌិតផ្នែកគ្រប់គ្រងធុរកិច្ចអន្តរជាតិពី វិទ្យាស្ថាន RMIT នៅអូស្ត្រាលីនោះបានបញ្ជាក់ថា វិស័យធនាគារមានសារសំខាន់ណាស់ ដូចជាការប្រើប្រាស់ប័ណ្ណឥណទាន ម៉ាស៊ីនដកប្រាក់ ប្រាក់កម្ចីទិញគេហដ្ឋាន រថយន្ត និងប្រាក់កម្ចីសហគ្រាសធុនតូច-មធ្យម។ ជាមួយសេវាទាំងនេះ IBM អាចជួយបង្កើនដំណើរការធុរកិច្ចកាត់បន្ថយចំណាយ និងការគ្រប់គ្រងផ្នែកព័ត៌មានវិទ្យា។
ដោយមានបទពិសោធន៍ ១២ឆ្នាំ ផ្នែកសូហ្វវែ IBM លោក ឡន វី មានប្រសាសន៍ថា ដំណោះស្រាយរបស់ IBM មាន៤ចំណុចគឺ ១-ការបម្រើអតិថិជន និងការយល់ដឹងពីអតិថិជន (Customer Care and Insight) ២- ការបំប្លែងភាពការងារស្នូលធនាគារ (Core Banking Transformation) ៣- ប្រព័ន្ធទូទាត់ (Payments Framework) និងទី៤- ការគ្រប់គ្រងហានិភ័យចម្រុះ (Integrated Risk Management)។
ការបម្រើអតិថិជន និងការយល់ដឹងអំពីអតិថិជន គឺអាចជួយឲ្យធនាគារកសាងមូលដ្ឋានមួយសម្រាប់បង្កើតទស្សនៈ តែមួយអំពីអតិថិជន និងអនុញ្ញាតឲ្យមានការលក់និងសេវាកម្មកាន់តែមានប្រសិទ្ធភាព ហើយវាក៏ផ្ដល់នូវប្រព័ន្ធដំណោះស្រាយមួយ ដើម្បីកែលំអបទពិសោធន៍របស់អតិថិជនធនាគារតាមរយៈការរកទីផ្សារ ការលក់ សេវាកម្ម នីតិវិធីគោរពតាមលិខិតបទដ្ឋាន និងការគ្រប់គ្រងព័ត៌មាន។
ចំពោះការបំប្លែងភាពការងារស្នូលធនាគារ គឺអនុញ្ញាតឲ្យធនាគារធ្វើទំនើបកម្ម និងកែលំអកម្មវិធី Legacy ដែលគាំទ្រមុខងារស្នូលធនាគារស្របពេលមានការប្រែប្រួលនៃ ធុរកិច្ច។ ឯប្រព័ន្ធទូទាត់របស់ខ្លួនជាបណ្ដើរៗ ដើម្បីកាន់តែមានលក្ខណៈទន់ភ្លន់ និងប្រសិទ្ធភាព ក៏ដូចជាបង្ហាញថា តើធនាគារអាចលើកកម្ពស់ស្តង់ដារឧស្សាហកម្មដូចម្ដេច កម្មវិធីរបស់ដៃគូធុរកិច្ច និងមូលនិធិ IBM Smart SOA ជាមួយការពង្រីកការទូទាត់ឲ្យបានលឿនដើម្បីបង្កើតតម្លៃសម្រាប់ ធនាគារ។
សម្រាប់ការគ្រប់គ្រងហានិភ័យ គឺអាចជួយធ្វើធនាគារអាចយល់ដឹងកាន់តែប្រសើរឡើងអំពីហានិភ័យ និងកាលានុវត្តនភាពទាំងមូលរបស់ខ្លួន ដើម្បីធ្វើសេចក្ដីសម្រេចចិត្តដោយមានព័ត៌មានពេញលេញ ក៏ដូចជាអភិក្រមចំពោះការគ្រប់គ្រងហានិភ័យ ហិរញ្ញវត្ថុ ឧក្រិដ្ឋកម្មហិរញ្ញវត្ថុ ហានិភ័យប្រតិបត្តិការ និងហានិភ័យព័ត៌មានវិទ្យា និងការគោរពច្បាប់។
ទាក់ទងនឹងដំណោះស្រាយ របស់ IBM ចំពោះវិស័យទូរគមនាគមន៍លោក ឡន វី បានបន្ថែមថា ប្រព័ន្ធនេះដាក់ឲ្យអនុវត្តនូវយុទ្ធសាស្ត្រ និងវិធីស្វែងរកដំណោះស្រាយទូរគមនាគមន៍ IBM ចំពោះធុរកិច្ចព័ត៌មានវិទ្យាជាដើម។
ពាក់ព័ន្ធវិស័យរដ្ឋាភិបាលលោក សាយ៉ាធិ ហ្សីនដេ ប្រធានផ្នែកលក់ដំណោះស្រាយរបស់ IBM បាននិយាយថា ប្រព័ន្ធឧស្សាហកម្ម យុទ្ធសាស្ត្រដំណោះស្រាយ និងផលប័ត្រ (Portfolio) រដ្ឋាភិបាលបានត្រូវរៀបចំដើម្បីប្រើប្រាស់ជំនាញឧស្សាហកម្មរបស់ IBM និងដើម្បីដោះស្រាយចំណុចលំបាកបច្ចុប្បន្នរបស់រដ្ឋាភិបាល។ ប្រព័ន្ធនេះនឹងជួយរដ្ឋាភិបាលផ្នែកសេវាសង្គមរដ្ឋាភិបាលថ្នាក់ តំបន់ រដ្ឋមូលដ្ឋាន ការត្រួតពិនិត្យគយព្រំដែន និងការគ្រប់គ្រងប្រាក់ចំណូល។
ដោយមានបទពិសោធន៍១៨ឆ្នាំជាមួយ IBM លោក សាយ៉ាជិ បានបញ្ជាក់ថា ក្នុងសម័យទំនើបនេះរដ្ឋាភិបាលគួរតែបង្កើតប្រព័ន្ធធ្វើលិខិត ឆ្លងដែនតាមអ៊ីនធើណិត បើកប្រាក់តាមធនាគារដើម្បីបង្កលក្ខណៈងាយស្រួលដល់ប្រជាជន។
ដោយឆ្លើយនឹងសំណួរសួរថា តើ IBM សម្លឹងឃើញសក្ដានុពលអ្វីនៅកម្ពុជាក្នុងវិស័យទូរគមនាគមន៍ធនាគារ និងរដ្ឋាភិបាល លោកឡន វី បានញញឹមបន្តិចរួចនិយាយថា វិស័យធនាគារនិងទូរគមនាគមន៍អាចផ្ដល់ផលចំណេញដល់ IBM ព្រោះនៅកម្ពុជាវិស័យទាំង២កំពុងតែរីកចម្រើនខ្លាំង៕
ភ្នំពេញ៖ ក្រុមហ៊ុនកុំព្យូទ័រដ៏ល្បីល្បាញ IBM ដែលគ្រោងនឹងបើកសាខាតំណាងនៅក្នុងប្រទេសកម្ពុជានាពេលខាងមុខ បានណែនាំនូវបច្ចេកវិជ្ជាចុងក្រោយបំផុតនិងដំណោះស្រាយធុរកិច្ច របស់ខ្លួនកាលពីថ្ងៃទី១៤ តុលា ២០០៩ នៅណាហ្គាវើល ក្នុងគោលបំណងជួយស្ថាប័ននានានៅកម្ពុជាឲ្យកសាងធុរកិច្ចដ៏ ឆ្លាតវៃមួយក្នុងគ្រាសេដ្ឋកិច្ចធ្លាក់ចុះនាពេលបច្ចុប្បន្ន។
ដំណោះស្រាយទាំងនេះ ផ្អែកទៅលើការកែប្រែច្នៃប្រឌិតថ្មីជាបន្តបន្ទាប់របស់ប្រព័ន្ធ IBMX, Bladecenter Starage និងប្រព័ន្ធឧស្សាហកម្មពិភពលោកដ៏ល្អប្រសើរបំផុតពីសូហ្វវែអាយប៊ីអឹម (IBM Software) ដើម្បីគាំទ្រធុរកិច្ចកាន់តែលូតលាស់របស់កម្ពុជា។
លោក ឡន វី (Leon Wee) នាយកប្រចាំប្រទេសនៃក្រុមសូហូវែ IBM នៅវៀតណាម បានមានប្រសាសន៍ថា សម្ភារៈរូបវ័ន្ត (Hardware) របស់ IBM បានត្រូវគេទទួលស្គាល់យ៉ាងល្អនៅក្នុងទីផ្សារដែលកំពុងរីក លូតលាស់របស់កម្ពុជា ជាពិសេសនៅក្នុងវិស័យធនាគារទូរគមនាគមន៍ និងរដ្ឋាភិបាល ហើយនៅពេលនេះសូហ្វវែ IBM បាននាំមកនូវការយល់ដឹងនិងសមត្ថភាពវិភាគធុរកិច្ចថ្មីសម្រាប់ វិស័យទាំងនេះនិងសហគ្រាសផ្សេងទៀត។
ពាក់ព័ន្ធនឹងដំណោះស្រាយផ្នែកវិស័យធនាគារ លោក ឡន វី ដែលទទួលសញ្ញាប័ត្រអនុបណ្ឌិតផ្នែកគ្រប់គ្រងធុរកិច្ចអន្តរជាតិពី វិទ្យាស្ថាន RMIT នៅអូស្ត្រាលីនោះបានបញ្ជាក់ថា វិស័យធនាគារមានសារសំខាន់ណាស់ ដូចជាការប្រើប្រាស់ប័ណ្ណឥណទាន ម៉ាស៊ីនដកប្រាក់ ប្រាក់កម្ចីទិញគេហដ្ឋាន រថយន្ត និងប្រាក់កម្ចីសហគ្រាសធុនតូច-មធ្យម។ ជាមួយសេវាទាំងនេះ IBM អាចជួយបង្កើនដំណើរការធុរកិច្ចកាត់បន្ថយចំណាយ និងការគ្រប់គ្រងផ្នែកព័ត៌មានវិទ្យា។
ដោយមានបទពិសោធន៍ ១២ឆ្នាំ ផ្នែកសូហ្វវែ IBM លោក ឡន វី មានប្រសាសន៍ថា ដំណោះស្រាយរបស់ IBM មាន៤ចំណុចគឺ ១-ការបម្រើអតិថិជន និងការយល់ដឹងពីអតិថិជន (Customer Care and Insight) ២- ការបំប្លែងភាពការងារស្នូលធនាគារ (Core Banking Transformation) ៣- ប្រព័ន្ធទូទាត់ (Payments Framework) និងទី៤- ការគ្រប់គ្រងហានិភ័យចម្រុះ (Integrated Risk Management)។
ការបម្រើអតិថិជន និងការយល់ដឹងអំពីអតិថិជន គឺអាចជួយឲ្យធនាគារកសាងមូលដ្ឋានមួយសម្រាប់បង្កើតទស្សនៈ តែមួយអំពីអតិថិជន និងអនុញ្ញាតឲ្យមានការលក់និងសេវាកម្មកាន់តែមានប្រសិទ្ធភាព ហើយវាក៏ផ្ដល់នូវប្រព័ន្ធដំណោះស្រាយមួយ ដើម្បីកែលំអបទពិសោធន៍របស់អតិថិជនធនាគារតាមរយៈការរកទីផ្សារ ការលក់ សេវាកម្ម នីតិវិធីគោរពតាមលិខិតបទដ្ឋាន និងការគ្រប់គ្រងព័ត៌មាន។
ចំពោះការបំប្លែងភាពការងារស្នូលធនាគារ គឺអនុញ្ញាតឲ្យធនាគារធ្វើទំនើបកម្ម និងកែលំអកម្មវិធី Legacy ដែលគាំទ្រមុខងារស្នូលធនាគារស្របពេលមានការប្រែប្រួលនៃ ធុរកិច្ច។ ឯប្រព័ន្ធទូទាត់របស់ខ្លួនជាបណ្ដើរៗ ដើម្បីកាន់តែមានលក្ខណៈទន់ភ្លន់ និងប្រសិទ្ធភាព ក៏ដូចជាបង្ហាញថា តើធនាគារអាចលើកកម្ពស់ស្តង់ដារឧស្សាហកម្មដូចម្ដេច កម្មវិធីរបស់ដៃគូធុរកិច្ច និងមូលនិធិ IBM Smart SOA ជាមួយការពង្រីកការទូទាត់ឲ្យបានលឿនដើម្បីបង្កើតតម្លៃសម្រាប់ ធនាគារ។
សម្រាប់ការគ្រប់គ្រងហានិភ័យ គឺអាចជួយធ្វើធនាគារអាចយល់ដឹងកាន់តែប្រសើរឡើងអំពីហានិភ័យ និងកាលានុវត្តនភាពទាំងមូលរបស់ខ្លួន ដើម្បីធ្វើសេចក្ដីសម្រេចចិត្តដោយមានព័ត៌មានពេញលេញ ក៏ដូចជាអភិក្រមចំពោះការគ្រប់គ្រងហានិភ័យ ហិរញ្ញវត្ថុ ឧក្រិដ្ឋកម្មហិរញ្ញវត្ថុ ហានិភ័យប្រតិបត្តិការ និងហានិភ័យព័ត៌មានវិទ្យា និងការគោរពច្បាប់។
ទាក់ទងនឹងដំណោះស្រាយ របស់ IBM ចំពោះវិស័យទូរគមនាគមន៍លោក ឡន វី បានបន្ថែមថា ប្រព័ន្ធនេះដាក់ឲ្យអនុវត្តនូវយុទ្ធសាស្ត្រ និងវិធីស្វែងរកដំណោះស្រាយទូរគមនាគមន៍ IBM ចំពោះធុរកិច្ចព័ត៌មានវិទ្យាជាដើម។
ពាក់ព័ន្ធវិស័យរដ្ឋាភិបាលលោក សាយ៉ាធិ ហ្សីនដេ ប្រធានផ្នែកលក់ដំណោះស្រាយរបស់ IBM បាននិយាយថា ប្រព័ន្ធឧស្សាហកម្ម យុទ្ធសាស្ត្រដំណោះស្រាយ និងផលប័ត្រ (Portfolio) រដ្ឋាភិបាលបានត្រូវរៀបចំដើម្បីប្រើប្រាស់ជំនាញឧស្សាហកម្មរបស់ IBM និងដើម្បីដោះស្រាយចំណុចលំបាកបច្ចុប្បន្នរបស់រដ្ឋាភិបាល។ ប្រព័ន្ធនេះនឹងជួយរដ្ឋាភិបាលផ្នែកសេវាសង្គមរដ្ឋាភិបាលថ្នាក់ តំបន់ រដ្ឋមូលដ្ឋាន ការត្រួតពិនិត្យគយព្រំដែន និងការគ្រប់គ្រងប្រាក់ចំណូល។
ដោយមានបទពិសោធន៍១៨ឆ្នាំជាមួយ IBM លោក សាយ៉ាជិ បានបញ្ជាក់ថា ក្នុងសម័យទំនើបនេះរដ្ឋាភិបាលគួរតែបង្កើតប្រព័ន្ធធ្វើលិខិត ឆ្លងដែនតាមអ៊ីនធើណិត បើកប្រាក់តាមធនាគារដើម្បីបង្កលក្ខណៈងាយស្រួលដល់ប្រជាជន។
ដោយឆ្លើយនឹងសំណួរសួរថា តើ IBM សម្លឹងឃើញសក្ដានុពលអ្វីនៅកម្ពុជាក្នុងវិស័យទូរគមនាគមន៍ធនាគារ និងរដ្ឋាភិបាល លោកឡន វី បានញញឹមបន្តិចរួចនិយាយថា វិស័យធនាគារនិងទូរគមនាគមន៍អាចផ្ដល់ផលចំណេញដល់ IBM ព្រោះនៅកម្ពុជាវិស័យទាំង២កំពុងតែរីកចម្រើនខ្លាំង៕
