អ្នកវិទ្យាសាស្ត្របាននិយាយថា កំពូលអាហារទាំងឡាយដែលមានសារជាតិអូមេហ្គា-៣ និងខ្លាញ់ត្រី អាចជួយទប់ស្កាត់ជំងឺងងឹតភ្នែកដែលគេតែងជួបប្រទះចំពោះមនុស្សដែល
មានវ័យកាន់តែចាស់។
អត្ថប្រយោជន៍នៃការបរិភោគត្រីដែលសម្បូរខ្លាញ់ដូចជា ត្រីស្បៃកា និងសណ្ដែកដី ត្រូវបានគេទទួលស្គាល់រួចមកហើយថា អាចកាត់បន្ថយគ្រោះថ្នាក់នៃការកកើតជំងឺភ្លេចភ្លាំងស្មារតី និងរោគបេះដូង។ ប៉ុន្តែការស្រាវជ្រាវថ្មីរបស់អាមេរិកនេះផ្ដល់ជាយោបល់ថា អាស៊ីដខ្លាញ់អូមេហ្គា-៣ ក៏អាចជួយការពារប្រឆាំងនឹងការបាត់បង់ការមើលឃើញដែលកើតតាមមក ជាមួយអាយុនោះដែរ។
ជនជាតិអង់គ្លេសប្រមាណ ២០០.០០០នាក់ ក្នុងមួយឆ្នាំៗ រងគ្រោះដោយសារជំងឺនេះ ហើយមិនទាន់មានមធ្យោបាយទប់ស្កាត់នៅឡើយទេ បើទោះបីជាគេធ្វើការវះកាត់ដោយឡាស៊ែរ និងប្រើថ្នាំដើម្បីកំណត់ការខូចខាតដែលបង្កដោយជំងឺនេះក៏ដោយ។
ការងងឹតភ្នែកកើតឡើងច្រើនបំផុតចំពោះមនុស្សវ័យចំណាស់ដែលមាន អាយុលើសពី៥០ឆ្នាំហើយវាបានបំផ្លាញធាតុផ្សំមួយដ៏សំខាន់របស់ មនុស្សដែលតែងតែត្រូវការចាំបាច់ដើម្បីអានសៀវភៅបើកបរ និងចំណាំមុខមនុស្សដែលខ្លួនត្រូវធ្វើទំនាក់ទំនងជាដើម។
នៅក្នុងការពិសោធលើសត្វកណ្ដុរ គេបានរកឃើញថា ស្ថានភាពអាក្រក់នេះបានប្រសើរឡើងរហូតដល់ទៅ ៥៧ ភាគរយ លើខ្លួនសត្វកណ្ដុរទាំងឡាយដែលគេឲ្យស៊ីអាហារមានសារជាតិអូមេហ្គា -៣ ខ្ពស់បំផុតក្នុងរយៈពេល ១២សប្ដាហ៍។
គេមិនដឹងច្បាស់ពីមូលហេតុពិតប្រាកដនៅឡើយទេ ថាសារជាតិអូមេហ្គា-៣ នេះវាជួយដោយរបៀបណា ប៉ុន្តែវាទំនងដោយសារមានសារជាតិប្រឆាំងការរលាក ព្រោះគេសង្កេតឃើញថា កណ្ដុរដែលទទួលផលល្អបំផុតពីសារជាតិអូមេហ្គា-៣ គឺមានកម្រិតនៃជំងឺរលាកទាប។
នៅក្នុងរបាយការណ៍ដែលនឹងបោះពុម្ពផ្សាយនៅក្នុង American Journal of Pathology នៅខែក្រោយ អ្នកវិទ្យាសាស្ត្របាននិយាយថា "លទ្ធផលនៃការសិក្សានេះ បានផ្ដល់ជាមូលដ្ឋានបែបវិទ្យាសាស្ត្រនៃអាស៊ីដខ្លាញ់អូមេហ្គា-៣ ក្នុងការទប់ស្កាត់ និងព្យាបាលការងងឹតភ្នែកដែលបណ្ដាលមកពីអាយុច្រើន"។
បណ្ឌិត ឈី ចាវចាន (Chi Chao Chan) ដែលជាអ្នកដឹកនាំក្រុមស្រាវជ្រាវនេះ បាននិយាយថា លទ្ធផលនេះគួរតែទទួលបានដូចគ្នានៅក្នុងខ្លួនមនុស្ស បើទោះជាចំនួន និងរយៈពេលនៃការទទួលបានសារជាតិអូមេហ្គា-៣នេះរាល់ថ្ងៃ"។
បណ្ឌិត ឈី ចាវចាន បាននិយាយថា "ពួកយើងគិតថា ការរកឃើញនេះក៏នឹងអាចប្រើប្រាស់បានចំពោះមនុស្សផងដែរ ហើយប្រហែលជាគេត្រូវបរិភោគអូមេហ្គា-៣ នេះរាល់ថ្ងៃ"។
ការរកឃើញនៃការស្រាវជ្រាវនេះផ្ដល់ជាគំនិតថា ការបរិភោគអាហារដែលមានសារជាតិអូមេហ្គា-៣ ខ្ពស់យ៉ាងទៀងទាត់ អាចកាត់បន្ថយគ្រោះថ្នាក់នៃការកើតរោគងងឹតភ្នែក ហើយវាថែមទាំងជួយឲ្យការមើលឃើញល្អជាងមុនផងដែរ។
បច្ចុប្បន្ននេះ ប្រជាជនអង់គ្លេសត្រូវបានគេណែនាំឲ្យបរិភោគត្រីពីរដង ក្នុងមួយសប្ដាហ៍ ដែលក្នុងនោះម្ដងត្រូវមានត្រីដែលសម្បូរខ្លាញ់។
ប្រភពអាហារល្អបំផុតដែលសម្បូរសារជាតិអូមេហ្គា-៣ ដែរ គឺខ្លាញ់ត្រី ព្រោះរាងកាយមនុស្សមិនអាចផលិតអាស៊ីដខ្លាញ់អូមេហ្គា-៣ ដោយឯកឯងបានទេ។
គេក៏បានរកឃើញអាហារប្រភេទខ្លះទៀត ដែលសម្បូរសារជាតិអូមេហ្គា-៣ ដែរ ដែលក្នុងនោះរួមមាន សាច់មាន់ ស៊ុត ទឹកដោះគោ និងនំបុ័ង ប៉ុន្តែអាហារទាំងនោះមានសារជាតិអូមេហ្គា-៣ ក្នុងចំនួនតិចតួចប៉ុណ្ណោះ៕
មានវ័យកាន់តែចាស់។
អត្ថប្រយោជន៍នៃការបរិភោគត្រីដែលសម្បូរខ្លាញ់ដូចជា ត្រីស្បៃកា និងសណ្ដែកដី ត្រូវបានគេទទួលស្គាល់រួចមកហើយថា អាចកាត់បន្ថយគ្រោះថ្នាក់នៃការកកើតជំងឺភ្លេចភ្លាំងស្មារតី និងរោគបេះដូង។ ប៉ុន្តែការស្រាវជ្រាវថ្មីរបស់អាមេរិកនេះផ្ដល់ជាយោបល់ថា អាស៊ីដខ្លាញ់អូមេហ្គា-៣ ក៏អាចជួយការពារប្រឆាំងនឹងការបាត់បង់ការមើលឃើញដែលកើតតាមមក ជាមួយអាយុនោះដែរ។
ជនជាតិអង់គ្លេសប្រមាណ ២០០.០០០នាក់ ក្នុងមួយឆ្នាំៗ រងគ្រោះដោយសារជំងឺនេះ ហើយមិនទាន់មានមធ្យោបាយទប់ស្កាត់នៅឡើយទេ បើទោះបីជាគេធ្វើការវះកាត់ដោយឡាស៊ែរ និងប្រើថ្នាំដើម្បីកំណត់ការខូចខាតដែលបង្កដោយជំងឺនេះក៏ដោយ។
ការងងឹតភ្នែកកើតឡើងច្រើនបំផុតចំពោះមនុស្សវ័យចំណាស់ដែលមាន អាយុលើសពី៥០ឆ្នាំហើយវាបានបំផ្លាញធាតុផ្សំមួយដ៏សំខាន់របស់ មនុស្សដែលតែងតែត្រូវការចាំបាច់ដើម្បីអានសៀវភៅបើកបរ និងចំណាំមុខមនុស្សដែលខ្លួនត្រូវធ្វើទំនាក់ទំនងជាដើម។
នៅក្នុងការពិសោធលើសត្វកណ្ដុរ គេបានរកឃើញថា ស្ថានភាពអាក្រក់នេះបានប្រសើរឡើងរហូតដល់ទៅ ៥៧ ភាគរយ លើខ្លួនសត្វកណ្ដុរទាំងឡាយដែលគេឲ្យស៊ីអាហារមានសារជាតិអូមេហ្គា -៣ ខ្ពស់បំផុតក្នុងរយៈពេល ១២សប្ដាហ៍។
គេមិនដឹងច្បាស់ពីមូលហេតុពិតប្រាកដនៅឡើយទេ ថាសារជាតិអូមេហ្គា-៣ នេះវាជួយដោយរបៀបណា ប៉ុន្តែវាទំនងដោយសារមានសារជាតិប្រឆាំងការរលាក ព្រោះគេសង្កេតឃើញថា កណ្ដុរដែលទទួលផលល្អបំផុតពីសារជាតិអូមេហ្គា-៣ គឺមានកម្រិតនៃជំងឺរលាកទាប។
នៅក្នុងរបាយការណ៍ដែលនឹងបោះពុម្ពផ្សាយនៅក្នុង American Journal of Pathology នៅខែក្រោយ អ្នកវិទ្យាសាស្ត្របាននិយាយថា "លទ្ធផលនៃការសិក្សានេះ បានផ្ដល់ជាមូលដ្ឋានបែបវិទ្យាសាស្ត្រនៃអាស៊ីដខ្លាញ់អូមេហ្គា-៣ ក្នុងការទប់ស្កាត់ និងព្យាបាលការងងឹតភ្នែកដែលបណ្ដាលមកពីអាយុច្រើន"។
បណ្ឌិត ឈី ចាវចាន (Chi Chao Chan) ដែលជាអ្នកដឹកនាំក្រុមស្រាវជ្រាវនេះ បាននិយាយថា លទ្ធផលនេះគួរតែទទួលបានដូចគ្នានៅក្នុងខ្លួនមនុស្ស បើទោះជាចំនួន និងរយៈពេលនៃការទទួលបានសារជាតិអូមេហ្គា-៣នេះរាល់ថ្ងៃ"។
បណ្ឌិត ឈី ចាវចាន បាននិយាយថា "ពួកយើងគិតថា ការរកឃើញនេះក៏នឹងអាចប្រើប្រាស់បានចំពោះមនុស្សផងដែរ ហើយប្រហែលជាគេត្រូវបរិភោគអូមេហ្គា-៣ នេះរាល់ថ្ងៃ"។
ការរកឃើញនៃការស្រាវជ្រាវនេះផ្ដល់ជាគំនិតថា ការបរិភោគអាហារដែលមានសារជាតិអូមេហ្គា-៣ ខ្ពស់យ៉ាងទៀងទាត់ អាចកាត់បន្ថយគ្រោះថ្នាក់នៃការកើតរោគងងឹតភ្នែក ហើយវាថែមទាំងជួយឲ្យការមើលឃើញល្អជាងមុនផងដែរ។
បច្ចុប្បន្ននេះ ប្រជាជនអង់គ្លេសត្រូវបានគេណែនាំឲ្យបរិភោគត្រីពីរដង ក្នុងមួយសប្ដាហ៍ ដែលក្នុងនោះម្ដងត្រូវមានត្រីដែលសម្បូរខ្លាញ់។
ប្រភពអាហារល្អបំផុតដែលសម្បូរសារជាតិអូមេហ្គា-៣ ដែរ គឺខ្លាញ់ត្រី ព្រោះរាងកាយមនុស្សមិនអាចផលិតអាស៊ីដខ្លាញ់អូមេហ្គា-៣ ដោយឯកឯងបានទេ។
គេក៏បានរកឃើញអាហារប្រភេទខ្លះទៀត ដែលសម្បូរសារជាតិអូមេហ្គា-៣ ដែរ ដែលក្នុងនោះរួមមាន សាច់មាន់ ស៊ុត ទឹកដោះគោ និងនំបុ័ង ប៉ុន្តែអាហារទាំងនោះមានសារជាតិអូមេហ្គា-៣ ក្នុងចំនួនតិចតួចប៉ុណ្ណោះ៕
